Masa kecil

Gaappp.. Legap lawang baya mulang sekolah, tebakkan tas lgsg nuju dapur mbuka tudung, ngaut nasi, basoh tangan, mbeko. Nyamannya parasa (namanya kanak).
Ndik lawas, ada kawan nyerui "main wayang yowk..!"

Tenang aja, ada maseh wayang dlm blek roti.
Blari lagi keluar makai sandal undas (agak tebal, berat, pokoknya mun nuju wayang, besembuuurr). Pupus main wayang, bruyun pegi pian (mendian pulang). Ndik apa supankan dah, buka baju buka sloar, bbuuurrr...! Biasanya main jaruman pakai kumpai, mun dah asek tu leh ndik ingat waktu lagi bemendian, sampai bibir biru, tangan kedar. Langat nekan, cocok beneh ndikda gala asi handuk dah...! Kereng sorang mun bawa bejemor. Mantaappp, jadi beneh hak bau tahi langat.
Mun panas2 lagi rasanya, terjun lagi (supaya tegak terbang, pas terjun sambil melengak keatas, melihati langit). He he, padahal perasaan maha jua.
Syukur hak ndikda kena paci gala tunggur pas terjunan tadi, mana hari dah merian. Bemulangan hak kroan kanak, malam ndak bemainan pulang, isi'i dulu perut tu.
Sampai akhirnya matahari hilang dr pandangan, perlahan hari jadi petang. Waktunya ngaji.. Alhamdulillah pabila ada kawan yg lg cerak (tamat ngaji) biasanya bemakanan bubur kacang. Pupus ngaji, bemainan lagi sampai tegak urang habis mendi gara2 main cang kacang panjang ajak.. He he he...!!!
Ndik terasa hari dah malam, basoh betis dulu baru tidur.
(good night masa kecil, selamat mimpi indah) ^_^